د کاپیسا د سیندیزې حوزې مشرتابه پلاوي نجراب ولسوالي ته سفر وکړ.
دغه سفر چې د کاپیسا ولایت په نجراب ولسوالي کې د اوبو د پروژو د ښه مدیریت او د پروژو د لومړیتوب او ښه تطبیق په موخه ترسره شو او د نجراب ولسوالي له ولسوال مولوي عطاء الله نعمت سره د سیندیزې حوزې د رییس انجنیر کاوه خروش او ورسره ملګري پلاوي په ګډه ناسته کې د نجراب ولسوال په دفتر کې د مرستیال مولوي مقدس احمدي په شتون غونډه ترسره شوه. په دې دوه اړخیزه ناسته کې د پروژې د ښه مدیریت او د نجراب ولسوالي د ساحوي دفتر د عمومي مدیریت د څرنګوالي په اړه خبرې وشوې
د پروژو ښه تطبیق، د اوبو د سرچینو په برخه کې د نجراب د اوسیدونکو شته ستونزې او خنډونه، د بندونو او کانالونو د نشتوالي په اړه د نجراب د اوسیدونکو ستونزې، د غوث دره بند تخنیکي سروې، د فرخشاه د بند تخنیکي سروې،
د نجراب ګردي کلينيک په شاوخوا کې د استنادي دېوار تخنيکي سروې چې د سېلاب له خطر سره مخ ده، همدا رنګه په نورو اړينو موضوعاتو هم خبرې وشوې.
ورپسې انجنیر مجیب الرحمن د خلیل الرحمن زوی. د اوبو او انرژي وزارت د محترم مقام په حکم د نجراب سیمه ییز دفتر د عمومي مدیر په توګه وټاکل شو.
په دې غونډه کې د سیندیزی حوزې رئیس انجنیر کاوه خروش او ورسره ملګري پلاوي په حضور کې د یادي ولسوالي مرستیال مولوي مقدس احمدي، د یادې ولسوالي مالي او اداري عمومي رئیس انجنیر عبدالغفار حکیم هم حضور درلود.
د دغې ولسوالي اجراییوي رییس محمد مائل صالحي او د نجراب دره بند د لویدیځې پراختیایي شورا رئیس محمد داود په رسمي ډول خپلو همکارانو ته ور وپېژندل شول.
