د کرهڼې او مالدارۍ له وزير سره د همغږۍ ناسته
د اوبو د چارو د تنظیم ملي ادارې لوی رئيس ښاغلي انجنیر خان محمد تکل د کرهڼې او مالدارۍ له وزیر ښاغلي ډاکټر انورالحق احدي سره د اوبو د مدیریت په پراختیايي پروژو هر اړخیز بحث او د نظرونو تبادله وکړه.
په پیل کې د کرهڼې او مالدارۍ وزیر ښاغلي احدي وویل "د اوبو د چارو د تنظیم ملي اداره او د کرهڼې او مالدارۍ وزارت به له دې وروسته په یو شمېر برخو کې د اوبو لګولو برنامې په ګډه پلي کوي".
وروسته د اوبو د چارو د تنظیم ملي ادارې لوی رئيس ښاغلي انجنیر خان محمد تکل وویل "له دې وروسته به د اوبو د چارو د تنظیم ملي اداره د اوبو لګولو پروژو په پلي کولو کې د کرهڼې او مالدارۍ وزارت سره په همغږۍ او ګډ کار کوي".
ښاغلي تکل د دواړو ادارو تر منځ د ګډ کار کولو د همغږۍ په را مینځ ته کولو ټينګار وکړ او د دې تر څنګ یې غوښتنه وکړه، چې د دواړو ادارو تر مینځ دې یو ګډ تخنیکي ټيم جوړ شي تر څو د په اړوندو موضوعاتو ګډ کار وکړي.
د اوبو د چارو د تنظیم ملي اداره
