د کندهار ولایت د دهله بند د مختلفو برخو د چارو چټکتیا په موخه د اړونده ادارو سره د همغږۍ ناسته تر سره شوه.

د کندهار ولایت د دهله بند د مختلفو برخو د چارو چټکتیا په موخه د اړونده ادارو سره د همغږۍ ناسته تر سره شوه.

دغه جلسه د اوبو چارو د تنظیم ملي ادارې د تخنیکي مرستیال ښاغلي انجنیر احمد ویس بصیري په مشرۍ چې آسیا پراختیايي بانک، د نړیوال بانک، د کلیو پراختیا وزارت، د ښار جوړولو وزارت، د ښاري اوبو رسولو او فاضلاب شرکت، د برنامو مدیریت مرکزي دفتر (C-PMO) او د اوبو لګولو او اوبو رسولو ریاست استازو تر منځ تر سره شوه د دهله بند د مختلفو برخو په ځانګړي ډول د کندهار ښار ته د دهلې بند د اوبو رسولو په اړه تر سره شوه.

ښاغلي بصیري د دغې جلسې د جوړېدو موخه د دهلې بند د مختلفو برخو کې د چارو چټکتیا یاده کړه او د اړونده ادارو تر منځ یې په لا ډيرې همکارۍ او همغږۍ ټينګار وکړ.

همدارنګه په دغه جلسه کې د اړونده ادارو مسؤلینو د دهلې بند د پروژې د تطبیق په برخه کې د چارو پرمختګ په اړه معلومات وړاندې کړل او چارو چټکتیا په موخه یې د لا ډيرې همغږۍ غوښتنه وکړه.

د اوبو چارو د تنظیم ملي اداره