د یتیم تپه سیند غاړو تحکیماتو په اړه د تخار ولایت د ولس استازو او مشرانو سره لیدنه
د اوبو د چارو د تنظیم ملي ادارې لوی رئيس ښاغلي انجنیر خان محمد تکل په ولسي جرګه کې د تخار د خلکو استازي حمیدالدین یلداش، ګل احمد کمین او د دغه ولایت یو شمېر مشرانو سره وکتل.
په دغه لیدنه کې د يتیم تپه سیند غاړو تحکیماتو چې په تخار ولایت کې موقعیت لري خبرې او د نظرونو تبادله وکړه.
د اوبو د چارو د تنظیم ملي ادارې لوی رئيس ښاغلي انجنیر خان محمد تکل د تخار ولایت استازو او مشرانو ته ډاډ ورکړ چې د دغه پروژې پلي کولو ته به پاملرنه کیږي.
ښاغلي تکل د اوبو د چارو د تنظیم ملي ادارې تخنیکي مرستیال او مسؤلینو ته هدایت وکړ چې د اسیا پراختیاي بانک په مرسته د دغه پروژې د پلي کولو چارې پيل کړي.
د دغه پروژې سروې د اوبو د چارو د تنظیم ملي ادارې لخوا تر سره شوې چې اوسمهال یې د ډيزان چارې روانې دي.
د اوبو د چارو د تنظیم ملي اداره
