د 1 کلستر کانال د بیارغونې چارې رسما پرانستل شوې

دا کانال چی د بلخ ولایت په خلم ولسوالۍ کې شتون لري، د اوبو لګولو شبکی، د بزګرانو د اغیزمنی ګټی اخیستنی، د لا زیاتو ځمکو د خړوبولو او د یادې سیمی د کرنیزو پیداوارو د ډېرښت په موخه تر لاس لاندې نیول شوی دی.
د اوبو او انرژی وزارت د پروژو د انسجام ریاست د مسولینو په وینا، دغه کانال د 2019 کال د دسمبر په میاشت کی پیل او د 2020 تر دسبمر میاشت پورې به پای ته و رسیږي.
یاد کانال اوس مهال د 2600 هکتاره ځمکو د خړوبولو وړتیا لري چې روسته له رغولو به دغه وړتیا تر 3000 هکتاره ځمکی پورې ورسیږي.
له دې پروژه څخه به شاوخوا 3412 کورنی په مستقیمه او غیر مستقیمه توګه ګټمن شی.
د دغه کانال د بیارغونی کار د اوبو او انرژۍ وزارت اړوند، د پروژو د انسجام ریاست له لوري د IRDP پروژی له خوا تطبیق کیږي.