سمنګان ولایت کې د کارېز اوبولګولو سربند پروژې د پاتې چارو د بشپړولو په موخه هڅې روانې دي
د سمنګان ولایت د اوبو او انرژي رئيس محترم مولوي محب الله عادل او ورسره مل تخنیکي ټیم په سمنګان ولایت کې د کارېز اوبولګولو سربند له پروژې څخه لیدنه وکړه.
د نوموړې پروژې چارې چې ۹۰ سلنه بشپړې شوې، په ۱۳۹۶ کال کې پیل شوې او ټاکل شوې وه چې په دوو کلونو کې بشپړې او ګټې اخیستنې ته وسپارل شي؛ خو د ځینو ستونزو له کبله ۱۰ سلنه چارې یې پاتې دي. اوسمهال د سمنګان ولایت د اوبو او انرژي ریاست هڅه کوي، چې پاتې چارې یې بشپړې او ګټې اخیستنې ته یې وسپاري.
د دغه سربند د چارو په بشپړېدو سره به ۲زره هکتاره ځمکه خړوبه شي.
