غزني ولایت کې دوه کوچني ذخیروي بندونه د څه باندې ۵ میلیونه افغانیو په لګښت ګټې اخیستنې ته وسپارل شول
د غزني ولایت په مقر او ګیلان ولسواليو کې د سه ګانسې او خوزیو کوچني ذخیروي بندونه د ۴ میلیونه، ۹سوه، ۸ زره او ۲۴ افغانیو په لګښت ګټې اخیستنې ته وسپارل شول.
د سه ګانسه کوچني بند د ۴ متره په لوړوالي او د ۳۵ متره په اوږدوالي او د خوزیو کوچنی بند د ۵.۲ متره په لوړوالي او د ۵۷ متره په اوږدوالي سره جوړ شوی،چې دواړه بندونه د ۶۹۲۰۰ متره مکعب اوبو د زېرمه کولو وړتیا لري.
د دغو بندونو چارې د اوبو او انرژي وزارت په مالي لګښت د غزني ولایت د اوبو او انرژي ریاست تر څارنې لاندې پرمخ وړل کېدي، چې د چارو په بشپړېدو سره به یې د ځمکې لاندې اوبه تغذیه شي.
