غور ولایت کې د څلورو پروژو د جوړولو چارې ۸۰، ۹۵، ۵ او ۲۵ سلنه پرمخ تللې دي
د غور ولایت د اوبو او انرژي ریاست تخنیکي ټیم په دغه ولایت کې د درې چکډمونو او د اوبو رسولو د یوې پروژې د چارو له بهیر څخه څارنه وکړه.
د ده سرخ الله یار چکډم د جوړولو چارې ۸۰ سلنه، د ده حاجي چهار سدې کلي چکډم ۹۵ سلنه، د زېر تنګي تربو لاق دولیني کلي چکډم ۵ سلنه او د ده حاجي چهار سدې کلي د اوبو رسولو پروژه ۲۵ سلنه پرمخ تللې دي.
د یادونې وړ ده چې د نوموړو پروژو په بشپړېدو سره به د اوبو کموالي ستونزې کمې شي او سلګونه ځايي اوسېدونکو ته پکې د کار زمینه برابره شوې ده.
