فاریاب ولایت کې د څلورو پلګوټو جوړونې او کانال پاکاري چارې ۸۰ سلنه پرمخ تللې دي
د فاریاب ولایت د دولت آباد ولسوالي په بېلابېلو کلیو کې د څلورو پلګوټو جوړونې او ۳۸ کیلو متره کانال پاکاري چارې چې د ۲۱ زره او ۳۱۸ آمریکایي ډالرو په لګښت پرمخ وړل کېږي، ۸۰ سلنه بشپړې شوې دي.
د فاریاب د اوبو او انرژي ریاست مسؤلینو د نوموړې پروژې د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
د دغې پروژې چارې د ایف، اې، او موسسې په مالي لګښت د فاریاب د اوبو او انرژي ریاست تر څارنې لاندې پرمخ وړل کېږي، چې د چارو په بشپړېدو سره به یې پراخې کرنیزې ځمکې خړوبې شي.
