لغمان ولایت کې د درې سټيشنونو د ساتونکو خونې د نږدې درې سوه زره افغانیو په لګښت بیاورغول شوې
لغمان ولایت کې د اسلام آباد، قرغه یې او نلیار پلونو د سټيشنونو د ساتونکو خونې د بیا رغونې پروژې چارې د ۲ سوه، ۹۲ زره او ۳۶۰ افغانیو په لګښت بشپړې او د لغمان ولایت د اوبو او انرژي رئيس محترم مولوي شیرجان راشدي په شتون کې ګټې اخیستنې ته وسپارل شوې.
ښاغلي راشدي د نوموړې پروژې ګټې ته د سپارلو په مراسمو کې د سټيشنونو د حفظ او مراقبت په هکله هر اړخیزې خبرې وکړې او اړوندو مسؤلینو ته د سټيشنونو د ښه حفظ او مراقبت په موخه اړینې لارښوونې وکړې.
د نوموړې پروژې چارې د اسلامي امارت له بودجې څخه پرمخ وړل کېدې، چې د دوو میاشتو په موده کې بشپړې او ګټې اخیستنې ته وسپارل شوې.
