لغمان ولایت کې د نهر کریم کانال رغنیزې چارې ۹۵ سلنه پرمخ تللې دي
د لغمان د اوبو او انرژي رئيس محترم مولوي شیرجان راشدي او د دغه ریاست تخنیکي سلاکار د لغمان ولایت د قرغیو ولسوالي اړوند د نهر کریم کانال د رغنیز چارو له بهیر څخه څارنه وکړه او اړوندو مسؤلینو ته یې د چارو د غوره کیفیت په موخه اړینې لارښوونې وکړې.
د دغه کانال د رغنیزو چارو په بشپړېدو سره به ۵۰۰۰ هکتاره کرنیزه ځمکه خړوبه شي.
د نوموړي کانال رغنیزې چارې د ایف. اې. او موسسې په مالي لګښت د لغمان ولایت د اوبو او انرژي ریاست تر څارنې لاندې پرمخ وړل کېږي، چې تر اوسه پورې ۹۵ سلنه پرمخ تللې دي.
