لوګر ولایت کې د دریو کاریزونو د پاکاري او رغنیزو چاره له بهیر څخه څارنه وشوه
د لوګر ولایت د اوبو او انرژي ریاست مسؤلینو د لوګر ولایت د محمد آغې ولسوالي اړوند د غلام دستګیر، آخند او بخشي کاریزونو د پاکاري او رغنیزو چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
د نوموړو کاریزو د پاکاري چارې د یونیسکو مؤسسې په مالي لګښت د لوګر ولایت د اوبو او انرژي ریاست تر څارنې لاندې پرمخ وړل کېږي.
همدارنګه، د نوموړي ریاست مسؤلینو د محمد آغې ولسوالي په آببازک سیمه کې د کاش حیدر چکډم تخنیکي سروې ترسره کړه.
د نوموړي چکډم په جوړېدو سره به د سیلاب اوبه کنټرول او د ځمکې لاندې اوبه تغذیه شي.
