لوګر ولایت کې د یوه چکډم جوړولو چارې د څه باندې څلور میلیونه افغانیو په ارزښت پيل شوې
د لوګر ولایت د محمد آغې ولسوالي اړوند د آب بازک په سیمه کې د یوه چکډم جوړولو چارې دڅلور اعشاریه څلور میلیونه افغانیو په ارزښت د لوګر سیندیزې فرعي حوزې رئيس محترم ملا محمد اسماعیل آخندزاده، د لوګر مرستیال والي محترم مولوي محمد انور دین پرور او یو شمېر نورو سیمه ایزو مسؤلینو په شتون کې پيل شوې.
دغه چکډم د اوبو او انرژي وزارت په مالي لګښت د ۵۳ متره په اوږدوالي او ۵ متره لوړوالي جوړیږي چې د ۵۸۰۰ متره مکعب اوبو د ذخیره کولو وړتیا به ولري.
د نوموړې چکډم چارې به د درې میاشتو په موده کې بشپړې او ګټې اخیستنې ته به وسپارل شي.
