لوګر ولایت کې د یوه کانال د جوړولو چارې د څه باندې ۷۱ زره آمریکایي ډالرو په لګښت پیل شوې
لوګر ولایت کې د یوه کانال د جوړولو چارې د څه باندې ۷۱ زره آمریکایي ډالرو په لګښت پیل شوې
د لوګر ولایت د مرکز پل علم اړوند د خدر په سیمه کې د خدر کانال د جوړولو چارې د څه باندې ۷۱ زره آمریکایي ډالرو په ارزښت د لوګر د مرستیال والي محترم مولوي محمد انور دین پرور، د لوګر د سیندیزې فرعي حوزې د رئيس محترم ملا محمد اسماعیل آخندزاده او یو شمېر نورو سیمه ییزو مسؤلینو او قومي مشرانو په شتون کې پيل شوې.
نوموړی کانال د یو کیلو متر په اوږدوالي سره د خوړو او کرنې نړیوال سازمان په مالي لګښت د لوګر د سیندیزې فرعي حوزې تر څارنې لاندې جوړیږي، چې پکې ۱۲۰۰ کسانو ته د کار زمینه چمتو شوې او چارې به یې د پنځو میاشتو په موده کې بشپړې او ۶۰۰ هکتاره ځمکه به خړوبه شي.
