پنجشیر ولایت کې د اړوندو ارګانونو تر منځ د همغږۍ ناسته ترسره شوه
دغه ناسته د "انرژي گروپ" تر عنوان لاندې د پنجشېر ولایت د اوبو او انرژي رئیس مولوي فضل الله عادل، د اسلامي امارت د محلي ادارو استازو لکه د کلیو پراختیا او بیارغونې ریاست، برېښنا شرکت، د اوبو او انرژي وزارت د انرژي معینیت تخنیکي پلاوي، د اطلاعاتو او فرهنګ ریاست، د کرنې ریاست او د یو شمېر نورو ارګانونو د مسؤلینو په شتون کې ترسره شوه.
د پنجشېر ولایت د اوبو او انرژي رئیس د دغې ناستې جوړولو موخه د ولایت په کچه د د برېښنا رسولو د وضعیت ښه والي او د انرژي په برخه کې د شته ستونزو د حل لپاره د اړوندو ارګانونو ترمنځ د همغږي رامنځ ته کول وبلل.
په دوام کې د انرژي زونونو د انسجام له ریاست څخه د برېښنا متخصص، انجینر عبدالقیوم عدلي د انرژي په مصرف کې د سپما، د پرمختللو معیارونو د پلي کولو، د برېښنا د تکراري پرچاویو څخه د مخنیوي په هکله اړینې لارښوونې وکړې.
همدارنګه داوبیزو انرژي د تولید کوچنیو دستګاوو د بیارغونې موضوع هم تر څېړنې لاندې ونیول شوه.
په دغه ناسته کې ځینو نورو ګډون کوونکو هم د ولایت د برېښنا وضعیت د ښه والي په هکله خپل اندونه او وړاندیزونه وړاندې کړل.
