پنجشیر ولایت کې د څه باندې ۲۰ میلیونه افغانیو په لګښت څلور پروژې ګټې اخیستنې ته وسپارل شوې
د پنجشیر ولایت په شتل ولسوالي کې د سفیدار باغ د څنډو د ټینګښت، د درې ولسوالي په نویجې او تاواخ کلیو کې د استنادي دېوالونو او سیلبر او د رخې ولسوالي په پای چنار کلي کې د ټینګښت د پروژو چارې د ۲۰ میلیونه، ۴څلور سوه، ۴۸ زره، ۳ سوه او ۵۳ افغانیو په لګښت د پنجشیر د اوبو او انرژي رئيس محترم مولوي فضل الله عادل، یو شمېر نورو سیمه ییزو مسؤلینو او د سیمې د اوسېدونکو په شتون کې ګټې اخیستنې ته وسپارل شوې.
د نوموړو پروژو چارې د اوبو او انرژي وزارت په مالي لګښت د پنجشیر د اوبو او انرژي ریاست تر څارنې لاندې پرمخ وړل کېدې، او پکې ګڼو کسانو ته د کار زمینه چمتو شوې وه.
د دغو پروژو ګټې ته په سپارلو سره سلګونه هکتاره کرنیزه ځمکه د سیلابونو له ویجاړیو څخه خوندې شوه.
