په خوست ولایت کې د 700 متره په اوږدوالي د یوه کانال چارې بشپړې او ګټې اخیستنې ته وسپارل شو
د خوست ولایت مرکز اړوند په ماڼۍ سیمه کې د 700 متره په اږدوالي د یوه کانال چارې بشپړې او د شمل خرم سیندیزې فرعي حوزې رئیس، شیخ الحدیث فضل الرحمان جلالي او ورسره مل تخنیکي ټیم، د زراعت ریاست رئیس، د اړیکو دفتر ولایتي مسئول، دیني علماوو او قومي مشرانو په شتون کې ګټې اخیستنې ته وسپارل شو.
د یادې پروژې چارې د شمل خرم سیندیزې فرعي حوزې په تخنیکي همکاري، د بریټانیا د بهرنیو مرستو پرمختیایې ادارې په مالي ملاتړ، د اړیکو دفتر له لورې د څلورو میاشتو په موده کې بشپړي شوې چې 1200 کورنې به ترې ګټه واخلي.
