په ننګرهار ولایت کې د ۴۰ میګاواټه لمریزې برېښنا پروژې د عملي چارو د پیل په موخه ناسته ترسره شوه
یاده ناسته د ننګرهار مرستیال والي مولوي سعید احمد بنوري، د ننګرهار سیندیزې فرعي حوزې رئیس الحاج سید فضل احد هاشمي، د اوبو او انرژي وزارت د پلاوي مشر احمد ضیاء فیروز، د ننګرهار د صنعت او سوداګرۍ رئيس عبدالبصیر پاچا، د یاد ولایت د برېښنا رئیس مولوي جان محمد انقلابي او د یو شمېر نورو مسئولینو په شتون کې ترسره شوه.
په دې ناسته کې د نوموړې پروژې د عملي چارو د پیل په هکله بحث او د اندونو تبادله وشوه او اړوندو مسئولینو د اوبو او انرژي وزارت پلاوي ته ډاډ ورکړ چې ددې پروژې د پلي کولو په برخه کې به هر اړخیزه همکاري وکړي.
