په هرات، بادغیس او د هېواد په یو شمېر نورو لویدیځو ولایتونو کې د وروستیو زلزلو په هکله د اوبو او انرژي سرپرست وزیر محترم الحاج ملا عبداللطیف منصور د غمرازۍ پيغام!
له بده مرغه چې د تیرې ورځې په زلزلو کې په هرات، بادغیس او د هېواد په یو شمېر نورو لویدیځو ولایتونو کې زمونږ یو شمېر هېوادوال شهیدان او ژوبل شوې او ستر مالي تاوانونه ور اوښتې دي، له همدې کبله زیانمنو شویو هېوادوالو ته د خپلې ژورې خواشینۍ او تسلیت مراتب د وړاندې کولو ترڅنګ، په دغه غمجنه او زړه بوږنونکي پېښه کې د خدای(ج) له دربار څخه شهیدانو ته د فردوس جنت، ټپيانو ته د عاجلې او کاملې شفا او کورنیو ته یې د جمیل صبر غوښتونکی یم.
همدارنګه له ټولو کورنیو او بهرنیو موسسو، ملي سوداګرو او خیریه بنسټونو څخه غواړم چې په دې سختو شرایطو او دردناکه پېښه کې زمونږ د هېوادوالو ترڅنګ ودریږې او هیڅ راز همکاري ورڅخه ونه سپموي.
د اوبو او انرژي سرپرست وزیر محترم الحاج ملا عبداللطیف منصور
