په هغه غونډه کې چې په هرات ولایت کې د اوبو سرچینو د وضعیت د څېړلو په موخه جوړه شوې وه، د هغه ولایت د اوبو سرچینو د وضعیت په هکله اړین معلومات وړاندې شول
د هریرود- مرغاب عمومي حوزوي رئيس محترم مولوي عبدالسلام مستوفي آغا او د هغه ریاست تخنیکي ټیم په هغه غونډه کې چې د اوبو د ګټې اخیستونکې ټولنې له لوري د ګذرې ولسوالي د غونډو په تالار کې د اوبو سرچینو د وضعیت د څېړلو په موخه جوړه شوې وه، ګډون وکړ.
په دغه غونډه کې، د هریرود- مرغاب عمومي حوزوي رئيس د هغه ریاست د لاسته راوړنو، د اوبو سرچینو د وضعیت او د وروستیو کلونو د اوبو د کموالي، د اوبو دکموالي مدیریت د ډولونو ، د ځمکې لاندې اوبو د تغذیې، د میټرونو د نصبولو او د اوبو سرچینو د حریم د ساتنې په هکله اړین معلومات وړاندې کړل.
