په پروان ولایت کې د خپل سرو څاګانو د کېندلو په هکله د پوهاوي ورکولو ناسته ترسره شوه
دغه ناسته د غوربند چاریکار سیندیزې فرعي حوزې د مسؤلینو له خوا د پروان ولایت په جبل السراج ولسوالي کې د نوموړې ولسوالي د استازو، قومي مشرانو، د امر باالمعروف او نهي عن المنکر آمریت د استازو او د جبل السراج د علماو شورا د رئیس په ګډون ترسره شوه.
په دغه ناسته کې، د خپل سرو څاګانو کېندلو او ځمکې لاندې اوبو څخه د بې ځایه ګټې اخیستنې د مخنیوي او د ژورو څاګانو د کېندلو لپاره د اجازه لیک د اخیستلو په هکله ګډونوالو ته بشپړ معلومات وړاندې شول.
