په پنجشیر ولایت کې به د اوبو لګولو ۶ لویو کانالونو د سروې او ډيزاین چارې به پيل شي.
د اوبو چارو د تنظیم ملي ادارې عمومي رئيس ښاغلي انجنیر خان محمد تکل په خپل کاري دفتر کې د پنجشیر والي کمال الدین نظامي سره وکتل.
په دغه کتنه کې د پنجشیر ولایت والي د اوبو چارو د تنظیم ملي ادارې د رهبرۍ کړنې څخه د قدردانۍ تر څنګ د پنجشیر ولایت د خلکو د ستونزو او اړتیاو راپر د اوبو چارو د تنظیم ملي ادارې عمومي رئيس ښاغلي تکل سره شریک کړ.
د اوبو چارو د تنظیم ملي ادارې عمومي رئيس ښاغلي انجنیر خان محمد تکل په پنجشیر والي ته په دغه ولایت کې د اوبو مدیریت پراختيايي پروژو د تطبیق ډاډ ورکړ او وې ویل:" ډير ژر به په پنجشیر ولایت کې د اوبو لګولو کانالونو د سروې او ډيزاین چارې پيل او په نوبت سره به یې د جوړولو چارې پيل شي".
همدارنګه د اوبو چارو د تنظیم ملي ادارې عمومي رئيس د پنجشیر ولایت سیندیزې فرعي حوزې رئيس لازم هدایات ورکړل او ډاډ یې ورکړ چې د اړتیا وړ تجهیزات به د یادې حوزې په اختیار کې ورکړي.
د اوبو چارو د تنظیم ملي اداره
