په کاپیسا ولایت کې د درې عام المنفعه پروګرامونو له تطبیق څخه څارنه ترسره شوه.
د کاپیسا ولایت د چاپیریال ساتنې ریاست او پنچشیرر پائیني (محمودراقی) فرعي سیندیزې حوزې ښاغلو رئیسانو د غذا په مقابل کې کار ملي پروګرام، د کانالونو غاړو د پیاوړتیا د تخنیکي سروې او د دې ولایت حصه اول کوهستان په ولسوالۍ کې د چاپیریال ساتنې له پروګرام څخه څارنه ترسره کړه.
یادو رئیسانو او مسؤلینو د خواجه، خورم، شاخه کره تازه او نوآباد کانالونو د پاکونې څخه څارنه وکړه او د اوسېدونکو او بزګرانو سره یې ولیدل او د هغو ستونزې یې له نیږدې واوریدې.
د دې لیدنې په جریان کې د میرمسجدي مکتب له مسیر څخه تر خرم او خواجه سربند پورې ټولې کمزورې نقطې له نیږدې بررسي شوې او د کوهستان حصه اول مدیریت دفتر ته لازم هدایت ورکړه، ترڅو د اوبو او انرژي وزارت د اوبو قانون، کړنلارې او مقررو مطابق ټولې تخریب شوې نقطې او د کانالونو ضعیف شوی غاړو تخنیکي سروې شروع کړي.
د یاد ونې وړ ده چې د دې لیدنې په جریان کې د کاپیسا ولایت حصه اول کوهستان خلکو د افغانستان اسلامي امارت د نه ستړیکدونکو هڅو او همدا راز د ا.ا.ا د ریاست الوزرا معاونیت له فیصلې چې د بیکاره او بې وزلو وګړو لپاره د کار زمینه برابره کړې ده د قدردانۍ اظهار وکړ.
د اوبو او انرژي وزارت
