پکتیکا ولایت کې درې چکډمونه د څه باندې څلور میلیونه افغانیو په ارزښت ګټې اخیستنې ته وسپارل شول
د پکتیکا ولایت په وازیخوا، ګیان او بکخیل ولسوالیو کې د درې چکډمونو چارې د ۴.۲ میلیونه افغانیو په ارزښت بشپړې او ګټې اخیستنې ته وسپارل شوې.
نوموړي چکډمونه په ټوله کې د ۳۱۹۴ متره مکعب اوبو د زېرمه کولو وړتیا لري، چې چارې یې د اوبو او انرژي وزارت په مالي لګښت د پکتیکا ولایت د اوبو او انرژي ریاست تر څارنې لاندې پرمخ وړل کېدي.
د نوموړو چکډمونو ګټې ته په سپارلو سره به د ځمکې لاندې اوبه پیاوړي او د چاپیریال د ښکلا لامل شي.
