پکتیکا ولایت کې د اوبو په برخه کې د څلورو پروژو لومړنۍ او تخنیکي سروې ترسره شوه
د پکتیکا د اوبو او انرژي ریاست تخنیکي ټیم د هغه ولایت په سر حوضې ولسوالي کې د شاطوري کلي سربند او کانال، په ارګون ولسوالي کې د شینکي کلي چکډم، په زیړوک ولسوالي کې د بندکي لګډ ذخیروي بند او علمي بني کلي اوبو رسولو شبکې لومړنۍ او تخنیکي سروې ترسره کړه.
د نوموړو پروژو په پلي کېدو سره به د اوبو په برخه کې د نوموړو کلیو د اوسېدونکو د څښاک او کرنې په برخه کې د اوبو شته ستونزې تر یوه بریده هوارې او د سیلابونو د ویجاړیو مخنیوی وشي.
