پکتیکا ولایت کې د یوه سربند او استنادي دېوال د جوړوېدو چارې د څه باندې دوه نیم میلیونه افغانیو په لګښت پيل شوې
د پکتیکا ولایت د سرحوضې اړوند د ګلردین کلي سربند او استنادي دېوال د جوړوېدو چارې د ۲ میلیونه، ۷۰۳ زره او ۱۱۳ افغانیو په لګښت د پکتیکا ولایت د اوبو او انرژي ریاست د مسؤلینو او یو شمېر قومي مشرانو په شتون کې پیل شوې.
د نوموړې پروژې چارې به د دوو میاشتو په موده کې بشپړې او د چارو په بشپړېدو سره به یې ۸۰ هکتاره ځمکه خړوبه شي.
د دغې پروژې چارې د یو. ان. ډي.پي موسسې په مالي ملاتړ د پکتیکا ولایت د اوبو او انرژي ریاست تر څارنې لاندې پرمخ وړل کېږي.
