کاپیسا ولایت کې د نصیرکخېلو کلي د څنډو د تحکیم پروژې چارې ۲۵ سلنه پرمخ تللې دي
د کاپيسا ولایت د اوبو او انرژي رئيس محترم انجنیر کاوه خروش او ورسره مل تخنیکي ټیم کاپیسا ولایت کې د نصیرکخېلو کلي د څنډو د تحکیم پروژې د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
نوموړې پروژه ۲۰۲ متره اوږدوالی لري او چارې یې ۲۵ سلنه پرمخ تللې چې د چارو په بشپړېدو سره به یې د شاخ آب کانال او کرنیزې ځمکې د سیلابونو له تاوانونو څخه خوندي شي.
د نوموړې پروژې چارې د اف.اي. او موسسې په مالي لګښت د کاپیسا د اوبو او انرژي ریاست تر څارنې لاندې پرمخ وړل کېږي.
