کندز ولایت کې د چهار درې عمومي کانال پروژې د۳۰ فرعي دروازو بیارغونه او ۷ کیلو متره پاکاري د ۶۰۰ زره افغانیو په لګښت ګټې اخیستنې ته وسپارل شوه
د کندز ولایت د چهار درې ولسوالي عمومي کانال پروژې د ۳۰ فرعي دروازو بیارغونه او ۷ کیلو متره پاکاري د ۶۰۰ زره افغانیو په لګښت د پنج آمو عمومي حوزوي رئيس محترم مولوي عبدالحکیم حاجي حکمت، د ډي. اي. آی موسسې مسؤل محترم انجنیر امینزي او یو شمېر نورو مسؤلینو په شتون کې ګټې اخیستنې ته وسپارل شوه.
نوموړی کانال د ۵۵ فرعي دروازو په درلودلو سره د۱۲۰ زره جریبه کرنیزې ځمکې د خړوبولو وړتیا لري.
د نوموړې پروژې چارې د ډي. اي. آی موسسې په مالي ملاتړ د پنج آمو عمومي حوزوي ریاست تر څارنې لاندې پرمخ وړل کېدې، چې پکې ګڼو کسانو ته د کار زمینه چمتو شوې وه.
