کندهار ولایت کې د اوبو سکتور تخنیکي کړنلارو او برنامو د فعالیتونو څارنه او ارزونه وشوه
د اوبو او انرژي وزارت د اوبو معینیت تر چتر لاندې د څارنې او ارزونې ریاست پلاوي کندهار ته د سفر پر مهال د اوبو سکتور پورې اړوند تخنیکي کړنلارې، برنامې او روان فعالیتونه وارزول.
د څارنې موخه، د پروژو د کیفیت ارزونه، د ستونزو پېژندنه، د چارو شفافیت او د اصلاحاتو لپاره وړاندیزونه وو. د ارزونې پر مهال له اړوندو ادارو سره ناسته هم ترسره شوه او لازمي مسلکي لارښوونې ورکړل شوې.
مسؤولینو ټینګار وکړ چې یاد بهیر به مرسته وکړي، ترڅو پروژې د ملي پالیسیو او تخنیکي معیارونو مطابق تطبیق شي، او د اوبو د سرچینو د اغېزمن مدیریت له لارې د خلکو اړتیاوې به په ښه ډول پوره شي.
د یادونې وړ ده، چې د اوبو او انرژي وزارت د هېواد په کچه د خدماتو د کیفیت لوړولو او د اوبو سکتور د معیاري کولو په برخه کې د څارنې او ارزونې پروسې ته جدي پاملرنه کړې ده.
