کندهار ولایت کې د اوبو پروژو د پلي کولو په هکله خبرې، اترې وشوې
د کندهار ولایت د اوبو او انرژي رئيس محترم ملا سید محمد شرافت او د دغه ریاست تخنیکي ټیم د آی. سې.آر. سې له مسؤلینو سره وکتل او د دغه ولایت په میوند ولسوالي کې د اوبو پروژو( کانالونو، سربندونو، استنادي دېوالونو او چکډمونو) د پلي کولو په هکله بحث او د اندونو تبادله وکړه.
په دغه لیدنه کې، ښاغلي شرافت د اوبو پروژو په برخه کې د نوموړې ولسوالي د خلکو اړتیاوې د آی. سې.آر. سې له مسؤلینو سره شریکې او ورته د رسیدګي غوښتنه وکړه.
په ورته مهال، د آی. سې.آر. سې مسؤلینو په دغه لیدنه کې په نوموړې ولسوالي کې د اوبو پروژو د پلي کولو په برخه کې د همکاري ډاډ ورکړ.
