کندهار ولایت کې د ظاهر شاهي کانال( لویې ویالې) د اوبو وېش 3 غټې او 13 کوچني دروازې ورغول شوې
د ارغنداب سیندیزې فرعي حوزې تخنیکي ټیم کندهار ولایت کې د ظاهر شاهي کانال د اوبو د غوره تنظیم، کنټرول او وېش په موخه د نوموړي کانال د دروازو د رغولو د تیر بهیر په تعقیب د یاد کانال د اوبو وېش 3 غټې او 13 کوچني دروازې ورغولې او د ساتنې او مراقبت چارې هم ترسره کړې.
نوموړی کانال د کندهار ښار په ګډون څو ولسوالیو ته د اوبو رسولو په برخه کې رغنده رول لري او د زرګونو جریبو کرنیزو ځمکو د خړوبولو وړتیا هم لري.
