کندهار ولایت کې د یو استنادي دېوال او دوو پلچکونو د جوړولو چارې د څه باندې درې نیم میلیونه افغانیو په لګښت پیل شوې
د کندهار ولایت د میوند ولسوالي په ښامیر کلا کې د ۲۰۰ متره استنادي دېوال او دوو پلچکونو د جوړولو چارې د 3.6 میلیونه افغانیو په لګښت پيل شوې.
په دغه پروژه کې ګڼ شمېر خلکو ته د کار زمینه برابره شوې او چارې به یې د ۲ میاشتو په موده کې بشپړې او ګټې اخیستنې ته وسپارل شي.
د نوموړې پروژې چارې د ملګرو ملتونو د پراختیایي دفتر په مالي لګښت د کندهار ولایت د اوبو او انرژي ریاست تر څارنې لاندې پرمخ وړل کېږي، چې د چارو په بشپړېدو سره به یې کرنیزې ځمکې او ملکیتونه د سیلاب له ګواښ څخه خوندي شي.
