یو لوړ پوړی هیئت د اوبو او انرژي وزارت د سرپرست وزیر په مشري ترکیې هېواد ته په سفر ولاړ
د افغانستان برېښنا شرکت د اجرائیوي رئيس ښاغلي محمد حنیف حمزه په شمول یو لوړ پوړی هیئت د اوبو او انرژي وزارت د سرپرست وزیر ښاغلي الحاج ملا عبداللطیف منصور په مشري ترکیې هېواد ته په سفر ولاړ.دوی به هلته د تاجکستان هېواد د برېښنا مسؤلینو سره د ۲۰۲۳م کال لپاره د وارداتي برېښنا تړون د تمدید په هکله خبرې وکړي او هم به په افغانستان کې د برېښنا د تولید د پراختیا لپاره په یو شمېر مجلسونو کې ګډون وکړي.
د یادولو وړ ده چې څو ورځې وړاندې هم د اوبو او انرژي وزارت سرپرست وزیر د یوه پلاوي په مشري ازبکستان هېواد ته سفر کړی وو، او د یاد هېواد د برېښنا شرکت له مسؤلینو سره یې د ۲۰۲۳م کال لپاره د وارداتي برېښنا قرارداد تمدید کړ.
