د آمو سیند څنډو د ټينګښت رئيس د بلخ له مرستيال والي سره وکتل
د آمو سیند څنډو د ټینګښت رئيس محترم مولوي وکیل احمد نقي او ورسره مل د دغه ریاست د پلان او انجنيري آمر محترم انجنير بريالی طاهري بلخ ولایت ته سفر وکړ او د دغه ولایت له مرستيال والي محترم مولوي نورالهادي (ابو ادريس) سره یې وکتل.
په دغه لیدنه کې، ښاغلي نقي د دغه ریاست د مسؤلیتونو او راتلونکو پلانونو په هکله اړین معلومات د بلخ له مرستيال والي سره شریک کړل او هغه د همکاري ژمنه وکړه.
همدغه راز، ښاغلي نقي د بلخ ولایت په حيرتان ښارګوټي کې مېشت د دغه ریاست د سيمه ايز آمريت له کارمندانو سره وکتل او هغوی ته یې د چارو غوره پرمخ وړلو په موخه اړینې لارښوونې وکړې. د نوموړي آمریت مسؤلینو په دغه لیدنه کې خپلې ستونزې او وړاندیزونه له ښاغلي نقي سره شریک کړل او ورته د رسیدګي غوښتنه یې وکړه.
په ورته مهال، ښاغلي نقي د نوموړي سیمهایز آمریت له مسؤلینو سره د هغوی ستونزو او وړاندیزونو ته د رسیدګي ژمنه وکړه.
