د اوبو او انرژي سرپرست وزیر د "امید سبز" ښارګوټي له مشرانو سره وکتل
د اوبو او انرژي سرپرست وزیر محترم ملا عبداللطیف منصور د کابل ښار د شپږمې ناحیې د "امید سبز" ښارګوټي له مشرانو سره چې د حاجي نبي ښارګوټي په نوم مشهور دی، وکتل.
په دغه کتنه کې، د نوموړي ښارګوټي اوسیدونکو په یاد ښارګوټي کې د څښاک اوبو د کموالي ستونزه د اوبو او انرژي له سرپرست وزیر سره شریکه کړه او د خپلو ستونزو د هوارولو غوښتنه یې وکړه.
د اوبو او انرژي سرپرست وزیر هغوی ته ډاډ ورکړ، چې یاده موضوع به و څېړل شي او د شته امکاناتو په پام کې نیولو سره به د نوموړي ښارګوټي د اوسیدونکو ستونزو ته رسیدګي وشي.
