د اوبو او انرژي وزارت جومات کې د هېواد په ختیځو ولایتونو کې د وروستۍ زلزلې د شهیدانو فاتحه واخیستل شوه
په کنړ او د هېواد په ختيځو ولایتونو کې د وروستۍ زلزلې د شهیدانو د یاد او د دې پېښې زیانمنو شویو کسانو ته د دعا په موخه د اوبو او انرژي وزارت جومات کې د ماسپښین تر لمانځه وروسته د فاتحې مراسم ترسره شول.
دغه مراسم چې د وزارت د مسؤلینو او کارمندانو په شتون کې ترسره شول، د قرآنکریم څو آیاتونه تلاوت شول او د دغې پېښې شهیدانو ته د خدای(ج) له دربار څخه جنت فردوس، ژوبل شویو ته عاجله او کامله روغتیا او کورنیو ته جمیل صبر، عظیم اجر او نعم البدل غوښتنه وشوه.
دغه معنوي مراسم، زمونږ د ګران هېواد افغانستان څخه د طبیعي پېښو او وباګانو د لرې کولو لپاره په ځانګړو دعاګانو سره پای ته ورسېد.
