د اوبو او انرژي وزارت د رهبري پلاوي غونډه د دغه وزارت د یو شمېر مهمو اداري او تخنیکي ستونزو د ارزونې او د حل په موخه د لازمو تصمیمونو د نیولو په اړه جوړه شوه.
دغه غونډه د اوبو او انرژي وزارت د انرژي معین مولوی عارف الله عارف په مشرۍ د اوبو او انرژي وزارت د عمومی مشرانو او یو شمیر تخنیکی چارواکو په حضور کی جوړه شوه.
په دې غونډه کې د اوبو او انرژي له وزارت سره په مرکز او ولایتونو کې د اوبو او انرژي په برخه کې د فعالیتونو د ترسره کولو، د اوبو د سټېشنونو د پراختیا او د سطحې اوبو د ښه مدیریت په موخه د څارنې د شبکو د جوړولو په برخه کې د اړوندو وزارتونو او ریاستونو په همغږۍ او ګډې همکارۍ خبرې وشوې. له پنجشیر څخه کابل ته د اوبو د لېږد پروژې او یو شمېر نورو مهمو موضوعاتو باندی بحث او خبری وشوي
د انرژي محترم معین په غونډه کی د راغلو موضوعاتو له څیړلو وروسته له اړوندو مسولینو څخه ددغی وضعیت په اړه راپور وغوښتل او لازم تصمیمونه یی ونیول او اړوندو مسولینو ته یی لازم هدایات ورکړل.
