د اوبو او انرژي وزارت سرپرست وزیر د کابل ولایت د قره باغ ولسوالي له مشرانو سره وکتل
د اوبو او انرژي وزارت سرپرست وزیر محترم ملا عبداللطیف منصور د کابل ولایت د قره باغ ولسوالي له مشرانو سره وکتل او د اوبو او انرژي پروژو ته د نوموړي ولسوالي د خلکو د اړتیاوو په هکله یې خبرې وکړې.
د یادې ولسوالي مشرانو خپل وړاندیزونه د اوبو او انرژي وزارت د رهبري مقام سره شریک کړل او د اوبو او انرژي پراختیایي پروژو د پلې کېدو غوښتنه یې وکړه.
د اوبو او انرژي سرپرست وزیر د یادې ولسوالي مشرانو ته ډاډ ورکړ، چې د شته امکاناتو په پام کې نیولو سره به د دوی ستونزو ته رسیدګي وشي.
