د اوبو او انرژي وزارت پلاوی ایران هېواد ته د" نوې کېدونکې انرژي په نهم نړیوال کنفرانس او نندارتون" کې د ګډون په موخه ولاړ
د اوبو او انرژي وزارت پلاوی د نوې کیدونکې انرژي رییس محترم انجنیر جان محمد حمزه په مشري ایران هیواد ته د" نوې کېدونکې انرژي په نهم نړیوال کنفرانس او نندارتون" کې د ګډون په موخه روان شو.
یاد پلاوی به د دغه کنفرانس له ګډونوالو سره د نوې کیدونکې انرژي اړوند د افغانستان اسلامي امارت د سیاستونو او برنامو،کورنۍ وړتیاوو او د پوهې پر بنسټ د صنعت پراختیا،بهرنۍ پانګونې او نړیوالې همکارۍ او د انرژي بازار ننګونې او د پانګونې د ډولونو په هکله خبرې، اترې وکړي.
