د لغمان ولایت د اوبو او انرژي ریاست کې د لغمان پوهنتون لس تنه زده کړیالانو یو میاشتنی انټرنشیپ پای ته ورسېد
د لغمان ولایت د اوبو او انرژي ریاست کې د لغمان پوهنتون د اقتصاد پوهنځي د لس تنو زده کړیالانو یو میاشتني انټرنشیپ دوره پای ته ورسېده او د دغې دورې د پای مراسم د لغمان ولایت د اوبو او انرژي رئيس محترم مولوي شیرجان راشدي او د لغمان پوهنتون د استاد محترم اسدالله احمدزي په شتون کې ترسره شوه.
د نوموړي ریاست مسؤلینو د نوموړي پوهنتون زده کړیالانو ته د مالي او اداري، محاسبې، تدارکاتو او خدمتونو په برخه کې یو میاشت مخکې د انټرنشیپ دوره پيل کړې وه، او نن پای ته ورسېده.
د دغو مراسمو په پای کې د لغمان ولایت د اوبو او انرژي رئيس او نورو مسؤلینو له لوري د نوموړي پوهنتون زده کړیالانو ته تصدیقپاڼې ورکړل شوې.
د یادونې وړ ده، چې د لغمان ولایت د اوبو او انرژي ریاست د یوه ځانګړي هوکړه لیک له مخې هر کال د لغمان پوهنتون د اقتصاد او انجنیري پوهځنیو زده کړیالانو ته په اړوندو برخو کې د انټرنشیپ زمینه چمتو کوي.
