د لوګر ولایت د خروار بند د پروژې د لومړۍ لاټ( لومړي برخې) بیارغونه او جوړونه د ۳۱ میلیونه افغانیو په ارزښت پيل شوه

mew-admin
چهارشنبه ۱۴۰۲/۹/۸ - ۱۶:۳۹
1

دغه پروژه د اوبو او انرژي سرپرست وزیر محترم الحاج ملا عبداللطیف منصور، د لوګر والي محترم مولوي ضیاالرحمن مدني، د افغانستان د اسلامي امارت د لوړ پوړو مسؤلینو او د لوګر ولایت د مشرانو په شتون کې پرانیستل شوه او عملي چاري یې پيل شوې

د اوبو او انرژي سرپرست وزیر محترم الحاج ملا عبداللطیف منصور د دغې پروژې د پرانیستې پرمهال په هېواد کې سرتاسري امنیت یو اللهي نعمت وباله او ویې ویل چې اوس د هېواد د اقتصادي پرمختګ او پراختیا وخت را رسېدلی او د اوبو او انرژي وزارت رهبري  په دې برخه کې د افغانستان خلکو ته ډاډ ورکوي چې په رښتینې توګه هڅه کوي چې خپل مسؤلیت په ښه توګه ترسره کړي.

په ورته مهال، د لوګر والي محترم شیخ ضیاالرحمن مدني د خروار بند د پرانیستې پر مهال وویل چې د اسلامي امارت مسؤلین د افغانستان خلکو ته د رښتینو خدمتونو وړاندې کولو ته ژمن دي او په دې برخه کې به شپه او ورځ هڅې وکړي.

د یادونې وړ ده، چې د خروار بند د جوړولو چارې د لومړي ځل لپاره د داودخان د حکومت پر وخت پيل شوې وې، خو له بده مرغه د ځينې ستونزو له کبله یې چارې نیمګړې پاتې شوې.

اوس له نېکه مرغه د اوبو او انرژي وزارت د رهبري مقام د هڅو او د افغانستان د اسلامي امارت په ملاتړ د دغه بند د بیارغونې او جوړولو چارې بیا پيل شوې.

د خروار بند د ۳۶ متره په لوړوالي او د ۱۴۰ متره په اوږدوالي د ۱۷ میلیون متر مکعب اوبو د ذخیره کولو وړتیا لري او تر بشپړېدو وروسته به کابو (۶۰۰۰) شپږ زره هکتاره کرنیزه ځمکه خړوبه کړي چې نږدې(۱۳۰۰۰) کورنۍ به ورڅخه استفاده وکړي.

تازه خبرونه

پنجشنبه ۱۴۰۳/۱/۳۰ - ۱۲:۳۲
Background image

د اوبو معینیت اونیزه تخنیکي ناسته ترسره شوه

دغه ناسته د اوبو او انرژي وزارت د اوبو معین ...

چهارشنبه ۱۴۰۳/۱/۲۹ - ۱۵:۵۳
Background image

د یونسیف محترمې موسسې د پرله پسې همکاریو په دوام

د یونسیف محترمې موسسې د پرله پسې...

بیرته تګ

User account menu