د پکتیا سیندیزې فرعي حوزې رئيس د هېلتو موسسې له ولایتي مسؤل سره د همغږي ناسته ترسره کړه
د پکتیا سیندیزې فرعي حوزې رئيس ښاغلي مولوي محمد کریم فاتح د پکتیا ولایت لپاره د هېلتو موسسې له ولایتي مسؤل ښاغلي انجنیر عبدالوهاب بازید او مل پلاوي سره د همغږي ناسته ترسره کړه.
په دې ناسته کې، د یادې موسسې ولایتي مسؤل د خپل کاري پلان او په یاد ولایت کې د اوبو په برخه کې د پراختیایي پروژو د پلي کولو په هکله هر اړخیز معلومات وړاندې کړل.
ښاغلي فاتح د اوبو په برخه کې د پراختیایي پروژو پر دوامداره څارنې، کنټرول او کیفیت باندې ټینګار وکړ او د یادې موسسې له ولایتي مسؤل سره یې د هر راز همکاري ژمنه کړه.
