د کندهار ولایت د پنجوايي او ژړۍ ولسوالیو ترمنځ د یوه لوی پل د جوړولو چارې پیل شوې
۲۹/۴/۱۴۰۵ هـ.ش | ۵/۲/۱۴۴۸ هـ.ق
د کندهار ولایت د پنجوايي او ژړۍ ولسوالیو ترمنځ د یوه لوی پل د جوړولو چارې د اوبو او انرژي وزیر الحاج ملا محمد یونس اخندزاده صاحب، له خوا پیل شوې
د یادې پروژې د پرانیستې په مراسمو کې د پنجوايي ولسوالۍ د ولسوال مولوي عبدالرازق، د ژړۍ ولسوالۍ د ولسوال قاري محمد سلیم، د کندهار سیندیزې حوزې د رئیس ملا سید محمد شرافت او د یادو سیمو ګڼ شمېر سپینږیرو، ځوانانو او ځایي اوسېدونکو په حضور کې ترسره شول.
د اوبو او انرژي وزیر الحاج ملا محمد یونس اخندزاده صاحب، د پرانیستې مراسمو ته په وینا کې وویل، چې د دغه پل جوړېدل د پنجوايي او ژړۍ ولسوالیو ترمنځ د تګ راتګ د اسانتیاوو د رامنځته کولو او د سیمې د اوسېدونکو د اوږدمهاله ستونزو د هوارولو لپاره ځانګړی اهمیت لري.
د یادونې وړ ده، چې دغه پل شا او خوا ۲۰۳ متره اوږدوالی لري او د ریاستالوزراء د محترم مقام د فوقالعاده حکم پر بنسټ چې شا و خوا (۱۱۰) یوسل لس میلیونه افغانۍ لګښت سره په اساسي او معیاري ډول جوړېږي، چې په بشپړېدو سره به د دواړو ولسوالیو ترمنځ د خلکو پر مخ د تګ راتګ لاره اسانه او ترانسپورتي ستونزې به یې حل شي.
