غزني ولایت کې د زرد آلو ذخیروي او اوبولګولو بند جیولوجیکي څېړنې ترسره شوې
د غزني ولایت په قره باغ ولسوالي کې د زرد آلو ذخیروي او اوبولګولو بند ساحوي جیولوجیکي څېړنې د یوه کورني شرکت، د اوبو انرژي وزارت د څېړنو ریاست او د غزني سیندیزې فرعي حوزې ریاست د تخنیکي او مسلکي ټيمونو له لوري ترسره شوي.
په دغه څېړنو کې د ساحوي تیږو نوعیت او کیفیت، د پوړونو میلان ، د پوړونو امتداد او ساحوي جیولوجیکي شرایط مطالعه شول.
د یادونې وړده، چې د زرد آلو ذخیروي او اوبولګولو بند په غزني ولایت کې اوبو او انرژي وزارت له مهمو او سترو پروژو څخه ده، چي په راتلونکي کې به یې له تفصیلي ډيزاین وروسته ودانیزي چارې هم پيل شي .
