غزني ولایت کې د لسو کاریزونو د پاکاري او ترمیم پروژه د څه باندې ۶ میلیونه افغانیو په لګښت بشپړه شوه
د غزني ولایت په واغظ او زنخان ولسوالیو کې د خانمود کلا، فتحې کلا، زړې کلا، چهاردیوال، شیخو، جلال، ګوګرد، تورمې، سرخ تالا او خشکک کاریزونو د پاکاري او ترمیم پروژه د ۶ میلیونه، ۶۹ زره او ۲۷۲ افغانیو په لګښت بشپړه شوه.
د نوموړې پروژې د چارو په بشپړېدو سره په کاریزونو کې اوبه ډیرې شوې، چې د اوبو په برخه کې به د خلکو ستونزې هوارې شي.
په نوموړې پروژه کې ۵۳۰۰ کسانو ته د کار زمینه چمتو شوې وه، چې چارې یې د یونیسکو موسسې په مالي لګښت د غزني د اوبو او انرژي ریاست تر څارنې لاندې پرمخ وړل کېدې.
