فاریاب ولایت کې د هزاره کلا کانال چارې ۱۵ سلنه پرمخ تللې دي
د فاریاب د اوبو او انرژي رئيس محترم مولوي محي الدین مبارز د فاریاب ولایت په قیصار ولسوالي کې د هزاره کلا کانال د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
د نوموړي کانال چارې چې د ۲۳ زره آمریکایي ډالرو په لګښت د ایف، اې، او موسسې په مالي ملاتړ د فاریاب د اوبو او انرژي ریاست تر څارنې لاندې پرمخ وړل کېږي، تر اوسه پورې ۱۵ سلنه پرمخ تللې دي.
د دغه کانال د چارو په بشپړېدو سره به کرنیزې ځمکې خړوبې شي.
