کاپیسا ولایت کې د اوو پروژو چارې د نږدې ۱۲ میلیونه افغانیو په لګښت پیل شوې
کاپیسا ولایت کې د اوبو سرچینو د ساختماني پروژو چارې د ۱۱ میلیونه، ۶۸۷ زره او ۷۰ افغانیو په لګښت د کاپیسا مرستیال والي محترم شېخ اسدالله سنان، د کاپیسا د اوبو او انرژي رئيس محترم انجنیر کاوه خروش، د ملګرو ملتونو د پراختیایي برنامې د استازي محترم ډاکټر غلام مرتضی خاشع او یو شمېر نورو سیمه ایزو مسؤلینو په شتون کې پیل شوې.
په دغو پروژو کې ۵۶۰ متره استنادي دیوالونه، د سیند څنډو د ټینګښت سنګ کاري، سربند او کانال شامل دي، چې شپږ پروژې یې د کاپیسا ولایت په تګاب او یوه پروژه په نجراب ولسوالي کې پلي کیږي.
د دغو پروژو د چارو په بشپړېدو سره به کرنیزې ځمکې او استوګنیز کورونه د سیلابونو له ګواښونو څخه خوندي او د اوبو سرچینو د مدیریت په برخه کې بسنټيز رول ولوبوي.
د نوموړو پروژو چارې د ملګرو ملتونو د پراختیایي برنامې( یو، این، ډي، پي) دفتر په مالي لګښت د کاپیسا د اوبو او انرژي ریاست تر څارنې لاندې پرمخ وړل کېږي، چې چارې به یې د شپږو میاشتو په موده کې بشپړې او ګټې اخیستنې ته وسپارل شي.
