د اوبو بندونو د کار لاندې پروژو د وضعیت څېړلو په موخه د همغږي ناسته ترسره شوه
یاده ناسته د اوبو او انرژي وزارت د اوبو معین ښاغلي الحاج انجنیر مجیب الرحمن عمر آخندزاده د اوبو سکتور د ټولو رئيسانو په شتون کې ترسره شوه.
په دې ناسته کې، د کار لاندې بندونو په ځانګړې توګه د کمال خان بند د اوبولګولو کانالونو د پرمختګ وضعیت تر څېړنې لاندې ونیول شو او د یادې پروژې د پاتې چارو په هکله بحث او د نظر تبادله وشوه.
د اوبو معین د یادو پروژو د بیا پیل په موخه د لازمو هدایاتو د وړاندې کولو ترڅنګ، د پاتې چارو د بیا ځل پیلیدو لپاره د لازمو اقداماتو په چټکتیا باندې ټینګار وکړ.
