د غزني په ولایت کې د سروکاڼو بند چارې پیل شوې
د غزني ولایت په قره باغ ولسوالي کې د سرو کاڼو بند پروژې د جوړولو عملي چارې د غزني ولایت د سیندیزې فرعي حوزې رئيس ښاغلي مولوي اسدالله منصوري او د یاد ولایت د یو شمېر نورو محلي مسؤلینو په شتون کې د DRC موسسې په مالي ملاتړ په رسمي توګه پيل شوې.
یاد بند به د ۱۲ متره په لوړوالي سره جوړ شي چې د ۵۰۰ زره متر مکعبه اوبو د ذخیره کولو وړتیا به و لري.
د یادونې وړ ده، چې د دې بند لومړنۍ سروې څه موده وړاندې د غزني ولایت د ولاړو اوبو او سیندیزې فرعي حوزې له خوا ترسره شوې وه.
