په بغلان ولایت کې د دوشي اسټیشن د بیا فعالولو پروژه پرانیستل شوه
د بغلان ولایت د فرعي سیندیزې حوزې رئیس، ښاغلي قاري محب الله عادل د یاد ریاست د تخنیکي سلاکار او کارکوونکو په ملتیا د یوه کاري سفر په ترڅ کې د بغلان ولایت په دوشي ولسوالي کې د دوشي اسټیشن د بیا فعالولو، د یاد اسټیشن د استاف ګیچ، پایپ بابلر او بلاک بیا رغونې پروژې چارې پرانیستلي.
یاده پروژه د بغلان ولایت د فرعي سیندیزې حوزې ریاست په مالي لګښت ترسره کېږي چې د شمال ختیځ زون په کچه د اوبولګونې د سترو پروژو د بیارغونې په برخه کې د پام وړ ارزښت لري.
